ಎದೆಯ ಚಿಪ್ಪಲ್ಲಿ ಭಾವಗಳ ಇಬ್ಬನಿ!
*ಕನಸಿನ ಚಿತ್ತಾರ ಲೋಕದಲ್ಲಿ ಕಂಡಿದ್ದು
ಬರೀ ಅವನ ಬಿಂಬ ಮಾತ್ರ
*ಆ ದೇವರೂ ಅಷ್ಟೆ ನಿನ್ನ ತರಹ!!
ನನ್ನ ಎಲ್ಲಾ ಪ್ರಶ್ನೆಗಳಿನ್ನೂ
ಪ್ರಶ್ನೆಗಳನ್ನಾಗಿಯೇ ಉಳಿಸಿದ ಮೂಖ!!
*ಅವನ ಪುಟ್ಟ ಮಡಿಲು
ನನಗೆ ತೂಗುವ ತೊಟ್ಟಿಲು.
* ಆ ಕದ್ದಿರುವ ಮುತ್ತುಗಳಿಗೂ
ಆಕಾಶದಲ್ಲಿರುವ ಚುಕ್ಕಿಗಳಿಗೂ
ಏನು ವ್ಯತ್ಯಾಸ?
*ನಿನ್ನೆದೆಗೊರಗಿದಾಗಲೇ ತಿಳಿದಿದ್ದು
ಇದೇ ಸರ್ವಸ್ವವೆಂದು!
*ನಿನ್ನ ಪ್ರೇಮದೋಟದಲ್ಲಿ
ನಾ ಚಿಮ್ಮಿದ ಕಾರಂಜಿ.
*ನಾ ಆ ತಾರೆ ನೋಡಿ ಆಸೆಪಟ್ಟೆ
ನೀ ತಂದುಕೊಟ್ಟುಬಿಟ್ಟೆ.
*ನೀ ನನ್ನ ಸನಿಹವಿದ್ದ ಕ್ಷಣಗಳೆಲ್ಲಾ
ಬಾಳು – ಬಣ್ಣ-ಬಣ್ಣದ ಹೂಗಳಿಂದ
ಅಲಂಕಾರಗೊಂಡ ಅಂಗಳ!!
* ಹಾಗೆ ಸುಮ್ಮನೆ ನಿನ್ನ ನೋಡಿದೆ..
ಪ್ರೇಮದ ಕಡಲನ್ನೇ ನೀ ತಂದು ಕೊಟ್ಟುಬಿಟ್ಟೆ.
* ಅತ್ತ ಪ್ರಳಯವಾಗಿತ್ತು
ಇತ್ತ ಆಸೆಗಳು ಉಸಿರಾಡುತ್ತಿತ್ತು.
* ಕಣ್ಮುಚ್ಚಿ ಕಣ್ಣು ತೆರೆಯುವುದೊರೊಳಗಾಗಿ
ಮುತ್ತಿಟ್ಟು …ಮರೆಯಾಗಿ..
ತನ್ನ ಕೆಲಸದಲ್ಲಿ ಮಗ್ನನಾಗಿದ್ದ!!
* ನಿದ್ರಾದೇವತೆ ಒಲಿಯಲಿಲ್ಲ
ಎಂದು ಕುಳಿತಾಗ ಒಲಿದಿದ್ದು
ಸ್ವಾತಿಮುತ್ತಿಗಾಗಿ ನೂರಾರು ಹನಿಗಳು.
* ಒಂದೆಡೆ ಕಡುಗತ್ತಲು ತುಂಬಿತ್ತು…
ಬೆಳಕಿನ ಕಿರಣಗಳು
ಅದನ್ಮುರಿಯಲು ಹೊಂಚು ಹಾಕುತ್ತಿದ್ದವು.
* ನೀನು……
ನೆನೆಪುಗಳಿಗೆ ತೀರ ಹ-ತ್ತಿ-ರ.
* ಸಮೀಪದ ಕಡಲಿನಲ್ಲಿ
ನಿನ್ನ ನೆನೆಪುಗಳನ್ನು
ಬಿಟ್ಟು ಬರಲು ಹೋಗಿದ್ದೆ..
